【now.com】藝人徐榮囡囡（徐心怡）因出演電視劇《愛．回家》飾演「馬家好」而人氣急升，圓圓大眼、可愛笑容萌爆所有觀眾。不過之後徐榮就宣布心怡要「退出」娛樂圈，需時少、對囡囡影響不大的工作才會考慮，希望還她快樂愉快童年，網民當然好唔捨得。有嬰兒用品公司就睇中新一代BB明星的潛力，邀請徐榮同囡囡一齊拍廣告，更就晒B女時間休息同飲奶，等心怡有天后級待遇。
徐榮表示今次拍攝比拍劇輕鬆，因為囡囡對手係自己，可以更加投入。廣告中，徐榮要為囡囡換尿片，他直言之前湊大仔時真係接受唔到：「打開尿片見到和嗅到便便，真係有『反胃』嘅感覺，今次湊囡囡，接受能力強了。」不過，徐榮強調不是因為「女兒是爸爸前世情人」之說而特別遷就、痛錫，只是有了上次經驗，適應力變強罷了。
心怡繼續以可愛笑容迷倒觀眾。
同爸爸合作當然好開心！
心怡今次係第一次拍廣告。
徐榮都忍唔住要同囡囡自拍。
雖然徐榮話冇特別錫心怡，但當然都係掌上明珠。
咁多人面前換片，心怡好似都有啲怕醜喎。
呢個係傳說中嘅天然呆？
