【now.com】李蘊年初和老公補擺喜酒，雖然件婚紗有少少鬆，但都唔係好覺大肚，尤其是擺酒後李蘊曬扁肚暗示沒懷孕。不過一月中時她又突然自爆已懷孕5個多月，之後就不時曬肚皮，現時已佗B六個幾月的她，個肚已經同個籃球差不多大喇！
愛在社交網站分享孕婦日記的她，今日就上載一張上身只穿bra top的巨肚相，並寫道：「分享昨天拍的照片，其實每個月也會拍一次，紀錄自己神奇的肚皮」仲特登搵個圖案遮住事業線。
雖然個肚好大個，但她手臂依然纖幼，依然係瓜子臉蛋，點解而家啲星媽個個大肚都唔識肥嘅？有冇秘技分享畀其他準媽媽聽啊？
李蘊話終於有夢寐以求嘅36吋！不過係肚圍！（facebook圖片）
李蘊的孕婦日記。（facebook圖片）
李蘊宣布佗B五個月張相。（facebook圖片）
