【now.com】網絡紅人「瓊姐」一向心水清,娛圈大小事都逃唔出佢法眼,今日佢又發現咗個娛圈現象,就係樂壇「校長」譚詠麟原來係超級「燈神」!一向鍾意提攜後輩的校長,多年來都出心出力更會出口來幫助一眾樂壇新人,不過瓊姐就發現到:
「日前,馬來西亞華裔女歌手李幸倪(Gin Lee)公布加盟環球唱片。譚詠麟隨即現身,送上一塊賽跑金牌,祝福Gin Lee 短期內可以在香港樂壇跑出。
之不過,校長燈力一向出眾,更被封為「樂壇比利」,幾乎捧乜死乜,人人避之則吉,當中貌似只有李克勤一人幸免。
今翅大鑊喇Gin Lee!係度希望燈神可以免佢一死, 我祝福Gin Lee前程錦繡,今年唱多啲好歌比大家聽! (我燈力應該無咁強掛!)」
校長的確成功捧出李克勤,兩人組成的「左麟右李」更是愈做愈有,不過其他被他睇好的歌手,例如梁漢文、關楚耀、林欣彤、Mr.等,歌星路未見有太好成績。