【now.com】當年因拍星爺電影而為香港人熟悉的徐嬌，如今已經18歲大個女。徐嬌最近接拍了內地電視劇《幻城》，而今日剛剛拍完所有戲份的徐嬌亦隨即公布，自己將會在美國升讀大學修讀電影系，仲話自己申請大學時自編自導自演咗兩條短片，非常叻女。
其實徐嬌早在13年就飛咗去美國讀書，剛剛在去年5月高中畢業。徐嬌唔止做戲叻，原來讀書都好叻，張畢業證書幾乎全A。讀書咁叻大學都爭住收佢，今日佢喺微博宣布：「幻城的拍攝告一段落啦～再過幾天就要去美國了～有個好消息跟大家分享，那就是再次申請后，我又多獲得了兩所大學的錄取信，分別是Art Center College of Design和Chapman University。最終我選擇了前者的電影專業，為之我在申請時自編自導自演了兩部短片，感覺這比單純得學表演更能令人成長！」
徐嬌話讀電影嘅原因係覺得比起淨係學表演，讀電影會更能令自己成長。（微博截圖）
一次過收到兩間大學嘅offer真係好叻女，但其實徐嬌早喺畢業前就收到另外兩間大學嘅offer！（微博圖片）
