【now.com】坤哥吳業坤呢期風頭一時無兩，昨夜更以新人姿態在叱咤連掃三獎，仲係個個大獎，包括新力軍金獎、我最喜愛的男歌手和我最喜愛歌曲大獎，創造埋叱咤歷史，好巴閉！
上次勁歌頒獎禮後坤哥就食「好東西」燒賣慶祝，今次佢就同「巨聲幫」的許廷鏗、胡鴻鈞再加鄭欣宜慶功。坤哥繼續搞笑，佢將自己3個獎分晒畀佢哋一人拎一個，自己就拎住支生抽，繼續行「草根style」。
欣宜都有在instagram貼上同一合照，並搞笑寫道：「自問都係一個幾努力嘅一個人。但真係冇唸（諗）過可以將「叱咤我最喜愛男歌手」獎拎上手。你呢個生抽獎都唔易拎㗎，同伴，加油呀！」
許廷鏗就寫得感性少少，他說：「新一年，對我們來說，都是最值得開心的開始，欠了你Mag Lam，讓我們來盡興一晚，之後我們還是會好好的做好歌手的崗位，不論如何都要堅持，2016對大家下的承諾。」胡鴻鈞都冇忘記同樣是「巨聲幫」出身的林欣彤：「我們伵，甚麼也沒有，卻只有一股勁，學坤哥話齋，我們只想互相扶持大家互相成為對方的力量，前面的路不易行，但我們都不怕了 2016，我們一起闖，Mag Lam還有你呀！」希望大家都會記住想唱好歌呢份初衷，繼續腳踏實地唱好歌，唔好紅咗就鬆毛鬆翼呢。
坤哥今次同許廷鏗、鄭欣宜和胡鴻鈞慶功，睇清楚，坤哥手上嗰支係生抽！（IG圖片）
真正嗰3個大獎。（IG圖片）
坤哥都有認認真真咁多謝身邊人。（IG圖片）
（續）（IG圖片）
欣宜陪佢一齊癲～（IG圖片）
許廷鏗就不忘「好姊妹」林欣彤。（IG圖片）
胡鴻鈞都係。（IG圖片）
坤哥有post番上台自拍張相。（IG圖片）
坤哥仲間接承認台上「動L」！（IG圖片）
呢張係許廷鏗放嘅。（IG圖片）
