【now.com】將於紅館舉行跨年演唱會的Twins最近除了積極排舞及練歌外，亦抽時間為新歌《虛齡時代》拍攝MV。入行剛好15年，分別33歲的蔡卓妍（阿Sa）及34歲的鍾欣潼（阿嬌）以歌曲講青春無限期，只要心境依然，年齡這數字自會淪為虛幻。
MV中，導演特意安排Twins回到舊歌MV中的經典場口，回到一路走來一些具代表性的地方，包括《女校男生》的班房及《風箏與風》的山丘，勾起大家的青春記憶。這些地方對Twins來說都係充滿事業上打拼的記憶，阿Sa仍然記得拍《風箏與風》的「辛酸」：「我哋仲係短頭髮，所以MV入面個把長長的曲髮，係用左5個小時駁髮的成果，為的是一個3分鐘的畫面！」今次校園拍攝又勾起二人影Yes！Card的回憶，貪玩的Twins結果捉住攝影師陪二人走勻不同角落，即興拍一輯沙龍，更擺出孖妹經典pose，十分搞笑。
Twins踏上「奇幻升降機」，回到過去。
唔少fans都會記得《風箏與風》的山丘，經過這些年，Twins成熟了不少。（上圖《風箏與風》MV，上圖《虛齡時代》MV）
當年的Yes！Card係藝人受歡迎與否的指標，Twins都影過好多輯。
仲扮埋捉迷藏pose，好old school呀，回憶番晒嚟。
