唔知長腳蟹係咪突登揀番海做背景呢？（微博截圖）
【now.com】大台昨晚舉辦《萬千星輝頒獎禮2015》，個個藝人爭餐死。而同公司嘅呂慧儀（長腳蟹）就選擇同屋企人共享天倫，因為昨日係佢同香港先生黃文迪結婚4周年嘅紀念日。佢貼出一張同老公喺海邊深情咀嘴嘅相，仲話「在一起就好」，sweet到漏。歲半嘅仔仔「蟹籽」就好萌咁企喺二人中間，拖實實爸爸媽媽發呆。網民笑指紀念日中竟然出現第三者，提議快快來個第四者、第五者。不過呂慧儀為賺奶粉錢已經密密接job，早兩日先挨病話自己頭痛、鼻塞、流鼻水、喉嚨痛、頭重腳輕患上感冒，應該未必咁快有第二粒「蟹籽」嘅出現喇。
唔知長腳蟹係咪突登揀番海做背景呢？（微博截圖）
呂慧儀之前病到腫晒，做媽媽真係唔易。（微博截圖）
