【now.com】郭富城噚晚用一張微博拖手相，同一句：「這樣開車要慢一點」嚟公開新歡方媛（Moka）嘅女友身分，消息隨即被瘋傳，城城一眾前女友當然好快知喇！同城城拍咗七年拖但2013年前和平分手嘅名模熊黛林（Lynn）都好似見到，唔知係咪回應舊愛，Lynn剛剛就上載一張同男友郭可頌着情侶鞋嘅相，並話：「幸福就在身邊，祝福大家！」睇嚟係向舊愛大方送上祝福。
Lynn同郭可盈弟弟郭可頌感情好穩定，聖誕節仲會同男友一家去沖繩，雖然之前Lynn否認了婚訊，但之後又表示自己已到適婚年齡，希望有人大膽啲，擺到明視郭可頌為結婚對象。二人分手後各自各精彩，網友就希望兩對情侶都可以幸福快樂。
郭富城突然高調認愛。（微博截圖）
Lynn用情侶鞋回應郭富城閃光彈。（微博截圖）
Lynn一直都冇於微博講感情事，好似係睇完城城閃光彈唔抵得低調喎。（微博圖片）
新天王嫂方媛。（微博圖片）
