【now.com】社會正在蘊釀一連串假學歷風波，正準備連環爆，破壞力應該很驚人，牽連亦廣，連年輕藝員蔡思貝亦被指在2013年港姐競選後，僅用兩個月就完成菲律賓Bulacan State University的工商管理學士課程，有買學歷的嫌疑。
在香港，學歷非常重要，從小已被灌輸讀唔到大學就要乞食的概念。長大後發現，讀到大學也不一定好景，反而很多中學畢業早出社會的朋友很多已經出人頭地，就好似蔡思貝一樣，大學未讀完就選到港姐亞軍，有大好前途。
問題是，以前是為了打工或者考政府工，才注重學歷，不知幾時開始，連做藝人都有這個需求了。蔡思貝急於讀學士，究竟所為何事？難道有些角色，是要有高學歷才做得到？
假學歷從來都有，因為人多好工少，所以好工的門檻相對地高，通常有學歷最低要求，令到學歷成為了好工的入場卷。既然只是一張沙紙，當然就有心懷僥倖的人會作弊，但是香港大公司普遍對於學歷審查非常嚴謹，就算獲聘，亦難保不久將來會穿煲，監都有得坐，後果嚴重。絕對是風險無限大的賭博，幾時穿煲，就幾時做地底泥。
如果屬實，那麼蔡思貝即使有達哥的美貌，但沒智慧，根本不值得做港姐亞軍。其實你選完港姐，大可以慢慢讀遙距，何苦急於一時？當然還有個可能性，就是她回家了解清楚之後，發現真的在兩個月內完成所需課程，那她就是天才中的天才，真係麥明詩的10優都被比下去，亞軍太屈就了，好應該追封一個冠軍。
話說回來，即使發生任何事，蔡思貝也不用驚，現在通街都是Bulacan State University校友，很多都是政界和教育界名人，一定睇住這個小師妹。絕對可以放心，一定冇事，就算有事，都大把人陪。
雖然講到假學歷十惡不赦，破壞公平，但其實都有一個優點，就是這班人大概是香港惟一真正做得到「求學不是求分數」的人。分數？隨便啦，0分也沒所謂，有沙紙就得喇，思想何其正面，抵讚！
文：魯連
〈娛樂乜乜乜〉逢星期一至五刊登
將每日的娛樂熱話，以全新角度為大家點評，大膽假設，細心求笑，希望滿足到去到邊度都好鍾意睇娛樂新聞的你。
