【now.com】中國人鍾意講意頭，對數目字特別敏感，順次序或不停重複的排位尤其喜好，所以當年08年奧運專登在8月8日8點8分開幕，好似特別精彩咁。近年，在網購公司推波下，11月11日突然多了一個節日，定為光棍節。這不是官式的公眾假期，是屬於內地年輕人的娛樂性節日，讓一眾單身男士自娛一番。原本只是鼓勵消費的橋段，讓單身男士在這天買禮物俾自己同自己慶祝，不過近來更多人選擇在這一天向外界宣布婚訊，藉以脫離光棍生涯為榮。
成日話香港人戀殖，唔肯中國化，麻煩發言的看看今日報紙的娛樂版，單單一日，就有好幾單有關結婚的囍慶消息。咁高興，事關人人都響應這個光棍節，排隊「脫光」，同大家報喜，甚至舉行婚禮。先來古巨基，早就在年中向大家公開婚事，並宣布在昨日補辦婚禮。一場盛宴，離不開都是星光熠熠，不過基仔好識製造話題同搶鏡位，既自己親繪大Backdrop，又專程請欄王劉翔出席婚宴，而更驚喜是搵到男神黃子華做兄弟。這點最令人百思不得其解，印象中大家只合作過一部冇對手戲的電影《衝鋒車》，平時又甚少互有撐場，但就突然情同如兄弟，在兄弟列上現身，實在有十萬個為甚麼想追問下去。
影相位、驚喜位、感動位全部有晒，基仔坐定粒六衝上C1當俾自己的一份賀禮。點知千算萬算，算不到有個女皇駕到。王菀之（Ivana）就選擇在同一日，宣布同男友，有「Figure王」之稱的Eric So結婚。原來拍拖2年的兩位，男方早在今年4月已經求婚成功，上個月仲已經去婚姻登記署排期註冊。呢個閃光彈，可謂威力驚人，令人羨慕不已。而更令人意外是，據知Ivana與Eric將於本月28日便正式簽紙註冊，而由於男方向來為人低調，二人亦有共識，連擺酒同影婚紗相都省卻，當日只與雙方家人食飯便禮成。
兩種處事手法，兩種溫馨層次，但一樣感受到兩對新人的甜蜜。幸福就是要兩個人的事，是否在特別的日子進行婚禮都無關重要。相反，因為自己經營的幸福，令一個普通的日子在自己的生命中變得不普通，其實更有意義。
文：余建
〈娛樂乜乜乜〉逢星期一至五刊登
將每日的娛樂熱話，以全新角度為大家點評，大膽假設，細心求笑，希望滿足到去到邊度都好鍾意睇娛樂新聞的你。
相關新聞：
