吳君如日前到昂坪360纜車站宣傳電影。
【now.com】吳君如日前與《捉妖記》導演許誠毅到昂坪360纜車站出席宣傳活動，君如更帶同正在放暑假的囡囡一同出席，她大爆導演許誠毅與囡囡一見如故，一起坐纜車時囡囡更被導演冧到笑哈哈。
君如在活動上表示，導演許誠毅（Raman）是老公陳可辛的幼稚園同學，又指女兒很喜歡坐纜車，她說：「個女成日叫我帶佢坐纜車，但一直未成行，𠵱家佢放緊暑假，所以帶佢陪我開工，寓工作於娛樂，而且我哋同導演一齊搭纜車過嚟市集，佢哋兩個好搞笑，我哋搭水晶纜車，可以透過透明玻璃見到腳下景色，但佢兩個都驚，笑笑鬧鬧兩個玩足全程，Raman同陳可辛係幼稚園同學，但Raman仍然keep住幼稚園時個樣，所以同我個女啱嘴形，佢冧我個女仲叻個陳可辛。」
吳君如日前到昂坪360纜車站宣傳電影。
吳君如（中）笑言《捉妖記》導演許誠毅比老公陳可辛更識𠱁囡囡。
導演許誠毅（左）更被昂坪360選為6月的旅遊大使。
