【now.com】歌手AGA日前新歌《認》拍攝MV，AGA以性感姿態示人，白色透紗裙若隱若現，又大騷長腿，在MV中飾演慘情女主角，更會與有少年版張震之稱的男主角林耀聲大玩「壁咚」，AGA又笑言拍「壁咚」戲時心跳加速。
AGA 自言這次MV拍攝是入行以來一個高難度挑戰，她說：「《認》係表達少女心事，好女性化嘅一首情歌，為咗男朋友可以不顧一切，同自己本身性格唔同，所以都花咗唔少時間鑽研角色。」AGA更在MV中，穿上白色透紗裙騷長腿，與男主角林耀聲有床戲和浴缸戲。情到濃時，男主角更把AGA推埋牆「壁咚」，令AGA面紅耳赤NG了十幾次，AGA說：「好緊張，我都係第一次俾男仔『壁咚』，原來真係會心跳加速。以往MV都冇太多同男主角親熱嘅場面，今次有床戲、有浴缸戲、仲有『壁咚』，真係一次好好嘅訓練，自己睇番都忍唔住笑。」
穿上白色透紗裙的AGA，與男主角林耀聲在MV中大演床戲。
AGA又與男主角林耀聲大玩「壁咚」，AGA自言非常緊張。
AGA更大騷長腿，和林耀聲演浴缸戲。
性感演出的AGA表示今次MV拍攝是向高難度挑戰。
