【now.com】改篇自高登連載小說的新戲《壹獄壹世界‧高登闊少踎監日記》，將於下周四（5月28日）上映，為答謝高登「巴打絲打」支持，原作者小姓奴上周六率領300多名巴絲入場睇戲，實行史上第一次的「高登優先場」。
一眾演員包括王宗堯、張建聲、黃光亮、姜皓文、崔碧珈、林芊妤（Coffee）、張松枝和周祉君，原作者小姓奴、導演孫立基和編劇沈錫然完場時齊齊上台與巴絲交流，並到戲院大堂和大家合照。黃光亮一出戲院大堂大嗌：「我條龍嚟呢度！」排隊等影相的巴絲打立刻打晒蛇餅，場面盛大，光哥笑言：「我從影以嚟從未試過咁樣，好感動啊！」
王宗堯則說：「我最想睇係高登仔嘅反應。我上過佢哋forum睇，佢哋對於蕭生拍嘅高登網絡小說有啲反感，佢哋成日因為某啲事情覺得蕭生唔代表佢哋，但其實我想話俾佢哋聽，我哋公司一路都想拍好高登嘅高登電影，今次睇到佢哋嘅反應係好值得鼓勵。呢套戲令我哋好自豪，因為我哋公司有一套至到目前為止係我認為係最實淨、好好睇，而且每個演員都做得好好嘅戲！」
另一男主角張建聲說：「睇到佢哋反應非常熱烈，戲入面嘅笑位，甚至乎血腥位，大家都好有共鳴。」小姓奴亦非常感謝高登仔的支持：「就算係《復仇者聯盟2》佢哋都會有好多不滿，但我睇番佢哋對呢套戲嘅觀後感，全部都係正評言論，我覺得係一件神蹟！」
一眾演員完場時齊齊上台與巴絲交流。
史上第一次的「高登優先場」，場面盛大。
獲大班fans支持影selfie的黃光亮（右）大叫感動。
我又要男神王宗堯抱抱！！！
可以同男神自拍....這些機會不屬於我。
