【nowTV】nowTV《102觀星總部》邀得久未在幕前露面的藍潔瑛接受專訪，問到昔日感情事時，藍潔瑛都大方回答，並且非常坦白，又不時講笑。以下為訪問重點：
梁：梁榮忠 藍：藍潔瑛
梁：盛傳你1986至1989年同鍾保羅邂逅？
藍：冇呀冇呀，正式見佢冇幾多面，打個招呼就有。佢係我一個女朋友嘅朋友，直情唔熟㗎，可能見車保羅仲多！
梁：有傳你幫佢還錢？
藍：冇可能，我都唔知佢財政狀況。
梁：有傳鍾保羅之前有另一位姓鄧，佢依家離開咗，你會唔會懷念？
藍：懷念！係好好朋友，佢gentleman得嚟唔誇張。
梁：又有指你同富商個仔有關係？
藍：佢自己本身都係富商。
梁：有冇咩回憶？
藍：人哋已經結咗婚喇，對佢有回憶㗎，有時想搵佢問佢公司會唔會有折頭，有咩優惠。
梁：再之後有加拿大籍男友？話你哋性格不合，然後佢不辭而別返加拿大。
藍：冇咁嘅事，加拿大籍嘅朋友就有兩個，兩個都係香港識。
