【MOBILE】之前同大家講過香港的5G網絡覆蓋，大家都知道5G網絡有幾勁，但要用5G，除了網絡準好，亦都要手上5G手機有支援。目前香港已有唔少5G手機可以選擇，但究竟這些手機係唔係可以完全支援本地網絡呢？
香港幾個網絡商都係用n78（3.3GHz / 3.5GHz）作為主力5G網絡頻段，所以現時大部份機如旗艦的Samsung Galaxy S20、HUAWEI P40 Pro+、SONY XPERIA 1 MK2或Oppo Find X2 Pro等都支援，中價機如HUAWEI Nova 7及小米10 Lite都得。不過若果你「不幸」住在香港的「5G禁區」如沙田火炭大埔馬鞍山等，因這些地區有機會要用4.9GHz（即n79），如你的手機不支援n79，就不能在家中或屋企附近連5G網絡。市場上有少量5G手機不支援n79，如小米10 Pro、POCO F2 Pro及SONY XPERIA 1 MK2等。除非你用的網絡商在這些禁區用現時4G網絡的2100MHz「refarm」成5G頻段，否則大家買機之前，最好查清楚心儀的5G手機支援那些頻段，以免發現有些地區用不到。
