0
0
唱錢冇煩惱!一個App熱搜外幣價格!

唱錢冇煩惱!一個App熱搜外幣價格!

【now.com】金融世界資訊每分每秒都在變,特別是匯率價格,常常受外圍政治、經濟因素左右,上落幾千幾百不在話下,你同我都未必有時間「金睛火眼」般睇實最佳的外匯兌換價格。最近有一間本地的初創企業,創辦人利用他們對金融市場多年的了解,創立了一個外幣匯率的價格平台,幫助要經常做匯款的人士,尋找最啱心水的兌換價格。

香港人愈來愈去得多旅行,唱錢都要識唱得精明呀!

仍然處於起步階段的外幣兌換應用程式YBEX,原理就好似一些酒店格價平台,網羅了一眾坊間外幣找換商不同的匯率價格,一目了然,讓用家選擇最合適的價錢做外幣兌換。創辦這個應用程式的李振寧(Andrew) 及李恢恢(Hui),兩位均出身銀行界,他們都希望利用自己打滾銀行界多年的經驗及優勢回饋消費者:「初初開始嘅時候,我哋都見到市場上有好多類同嘅科技產品,發覺競爭都好大,所以我哋就演變到好像一個中介嘅平台,希望幫助同方便到消費者做找換,因為有好多消費者未必會有時間同心機去發掘呢方面嘅嘢。」Andrew又話YBEX的優勢是透明度:「匯率其實每分每秒都喺度變緊,當你喺街上見到找換店標示出嚟嘅價錢,其實都唔太透明,未必一定係最新,又或者因為不同原因,當你做找換時,唔係你所見到嘅外匯價格。YBEX就可以做到當你見到你嘅心水價錢就可鎖定,然後去到實體找換商就可以用返你心水價錢去換錢。」

Andrew和Hui毅然離開穩定的銀行工作,利用專業知識創辦YBEX,希望為大家提供專業級的外幣價格平台。
Andrew表示創業的確要面對好多不同困難,但他認為現在所做、幫助到大眾的工作非常有意義。

要市況波動的環境中,抓住數據並不容易,負責幫手處理技術層面的Hui,就同記者剖析他們背後的數據系統:「我哋使用嘅KDB+ 係現時好多投資銀行、高頻交易基金公司都有使用嘅一套系統,同埋佢嘅優勢係個系統可以處理到好多好大容量單位嘅金額,又可以用好短時間就做好交易。」

簡單按幾下選一個最靚匯率匯款到外地,特別適合外國人匯錢回鄉。
同YBEX合作的單位任何時候都可以上網更新匯率。
YBEX會簡單了解匯款目的,防止有人利用平台作違法行為。

採訪、攝影:譚傑文、馮翠怡

  1. 更多
  1. 涉咬斷警員手指男被控蓄意傷人襲警下午提堂
    48分鐘前
  2. 蔣麗芸:可考慮成立獨立委員會全面調查事件
    5分鐘前
  3. 【環球薈報】生物學家拍攝紀錄片期間巧遇巨型水母
    13分鐘前
  4. 【環球薈報】「人工智能之父」圖靈成英鎊新鈔主角
    37分鐘前
  5. 美國禁止大部分移民在南部邊境申請難民庇護
    44分鐘前
  6. 保安局回應戒嚴報道沿用現有機制無其他計劃
    46分鐘前
  7. 六月內地訪港旅行團未因修例爭議減少
    1小時前
  8. 捷克拒北京要求引渡台灣詐騙疑犯
    2小時前
  9. 楊偉雄︰智慧燈柱收集交通等數據與私隱無關
    2小時前
  10. 大埔「連儂隧道」出現萬國旗
    3小時前