鄧俊文表示「一定會返嚟」。
(bahkc)
【Now Sports】香港羽毛球混雙代表「鄧謝配」成員鄧俊文於社交媒體宣佈，因前十字韌帶斷裂，將無緣今屆亞運及即將展開的世錦賽，但他強調「一定會返嚟架！」。
距離亞運尚有約1個月，下周亦迎來世界羽毛球錦標賽，惟31歲港隊成員鄧俊文在社交媒體公佈受傷的消息，「前排喺一次練習時受傷，最後證實前十字韌帶幾乎完全斷裂，所以好遺憾同大家講，我同阿雪（混雙拍檔謝影雪），無辦法第三次參加亞運會，亦都要退出下星期舉行嘅世錦賽。」
俊文續謂，「喺受左（咗）傷之後嘅一段時間，由一開始晴天霹靂，到今日我自己心情都已經慢慢平伏落嚟，未來有一段長時間我哋『鄧謝配』會暫別球場一段日子，不過我亦都唔甘心因為今次受傷就咁原地退役，畢竟而家我哋擁有咁好嘅教練團隊，我同雪都好希望我喺康復之後可以嘗試打落去。」
不過這名亞錦賽混雙冠軍球手強調「一定會返嚟」：「下一次比賽可能就去到洛杉磯奧運積分周期開始嘅階段，未來雖然唔可以預測，但手術後我會好好休養同治療，希望休息過後健健康康行番（返）上球場比賽，繼續為未完成嘅目標進發。今次嘅暫別雖然有啲長，但係我一定會返嚟架！」
