估計自己可能踢回踢開嘅進攻中場位置。
(筆者提供)
【Now Sports】準備再著港隊球衣，當然好期待同埋興奮，今次參賽目標，係希望將自己喺英國呢幾年嘅經驗，帶畀球隊，同時盡力融入球隊。
撰文：陳頌文
今次重返港隊，令我勾起之前好多代表港隊嘅回憶，最難忘嘅事情太多，包括第一次踢U15代表隊，得到個人喺國際賽第一個獎項；至於2020年第一次入選大港隊參加土耳其盃，都係印象深刻。
今次參加亞運，同組對手實力都好強，我目標係希望將自己喺英國呢幾年嘅經驗，帶畀球隊，同埋爭取入波，幫球隊贏波。估計自己可能踢返踢開嘅進攻中場位置。見返啲舊隊友當然開心，始終大家好耐冇合作，默契可能有啲生疏，但會盡力融入球隊。
另外，布力般流浪近日官方宣佈我留隊嘅消息，收到好多嚟自當地、香港嘅支持同埋祝福，想借呢個機會同大家講聲多謝。今個月16號開咧，第一場係主場對約克城，我會繼續畀心機踢好每一場波。
撰文：陳頌文
先後效力曼城青年隊、史篤城預備組、布力般流浪U21、AFC Fylde、Halifax，去年回歸布力般流浪。
本欄不定期上載
