兩代球王有機會再次同場較技。
(©AFP)
【Now Sports】葡萄牙在32強大戰克羅地亞，格仔軍團首先打開紀錄，葡萄牙幾經辛苦以2:1反勝晉級。呢場比賽葡萄牙雖有六成控球率，但全場埋門15次只有3個中目標攻門，相反克羅地亞打穩守突擊反而有6次中目標埋門。呢場比賽消耗葡萄牙大量體能，C朗拿度亦未有打足全場，恢復體能狀態相信係當下首要工作。
撰文：陳肇麒｜Now足球評述員
西班牙32強對手係奧地利，呢場比賽西班牙可以講話清風送爽，近六成半控球指數，23次攻門10次中目標，傳球速度快，球員互相補位有默契，令到奧地利只能全場5次射門零中目標。
又係雙牙交鋒，相信呢場比賽西班牙將喺主攻控球一方，葡萄牙則打穩守突擊，如果要打穩守，C朗拿度應唔應該放喺正選位置呢？定係做後備殺手更加好呢？
西班牙方面，也馬狀態開始上力，對奧地利嘅比賽對手好多時利用兩人防守夾擊也馬都未能成功，也馬都能輕鬆突破。配合前鋒奧耶沙巴埋門能力，相信葡萄牙呢場防守能力絕對受到考驗。
世界盃16強 葡萄牙VS西班牙
Now TV 618台7/7 03:00直播
Now TV 616台4K直播
