也馬勢成眾矢之的。
(©AFP)
【Now Sports】2026世界盃快將揭幕，今屆世界盃史無前例最大規模嘅一次，48個國家、104場賽事，決出真正王者！
撰文：陳肇麒｜Now足球評述員
西班牙世界盃前最後一場熱身賽，於主辦國之一墨西哥面對秘魯。西班牙約戰秘魯相信為咗世界盃分組賽同級對手準備，西班牙今屆世界盃分組賽對手有佛得角、沙特阿拉伯同埋烏拉圭。
秘魯世界排名52位，相比西班牙分組賽面對排61嘅沙特阿拉伯同68位嘅佛得角都要高，明顯想利用秘魯這場友誼賽來演練。西班牙現世界排名第2，喺分組賽中實力明顯高於另外3個對手，相信小組首名應該手到拿來。
西班牙中前場球員星光熠熠，既年輕又有活力，重心球員當然要數巴塞隆拿球星年僅18歲嘅也馬。也馬喺球會比賽已經顯示出佢個人能力超卓，今次亦係首次參加世界決賽周。
好多人都攞也馬同球王美斯比較，美斯上屆就為阿根廷捧起世界盃冠軍，為自己畫上一個完美生涯。即管睇下也馬可唔可以喺18歲之齡捧起世界盃冠軍，為足球生涯展開輝煌一頁！
國際足球友誼賽：秘魯VS西班牙
Now TV 618/630台9/6 10:00直播
