韋斯咸（右）輸波護級不妙。
(©AFP)
【Now Sports】韋斯咸周六作客以0:3受挫賓福特，假如熱刺明日能夠打敗阿士東維拉，則鎚仔幫會跌至尾3需要降班的位置。
這場周六倫敦打吡戰，雙方各有搶分目標，賓福特為歐洲賽席位而戰，而韋斯咸搶分護級。開賽後僅15分鐘，馬夫路班奴斯的烏龍波令賓福特領先，這亦是上半場僅有的入球。易邊後9分鐘，射手伊哥泰亞高主射12碼得手，賓福特領先2:0。
韋斯咸的攻勢其實不遜主隊，但就是破關無力，直到82分鐘，丹士哥在禁區內施射成3:0埋齋。賓福特贏波，並趁白禮頓同時間敗走紐卡素，得以35戰得51分升上第6位。
韋斯咸輸波後35戰得36分，續領先少賽1場排第3的熱刺兩分。若然熱刺能夠在明日作客打敗阿士東維拉，即可超越韋斯咸。
