Cathy相信德國具冠軍相。
(受訪者提供)
【Now Sports】藝人兼足球女將植詠珊（Cathy）表示，世界盃最難忘回憶是睇英格蘭、睇碧咸，當今屆賽事後，同樣難忘，想必是與一眾螢花隊友相約睇波。
早前熱播的ViuTV真人騷《足球女將2》，一眾女將努力不懈訓練與作賽，夠勵志又熱血，主將之一，在在終極一戰對乙組強隊標準流浪擔任正選的Cathy，已準備全情投入世界盃。被問到今屆最想與誰觀戰時，她二話不說就提及戰友：「最想同我啲螢花隊友一齊睇，大家時間就到都會約出嚟，順便學嘢。」
當過娛樂新聞主播、體育記者、大型運動賽事主持、拍過劇集，又是前人和天鷹女足隊員，Cathy是典型波癡：「提起世界盃就聯想到碧咸，難忘係有一次同中學同學，一齊去奧海城大電視睇英格蘭直播。」今屆賽事，她最支持的不是英格蘭，而是巴西：「希望睇到尼馬最後探戈。好欣賞佢，尤其佢克服傷患，feel到佢好鍾意踢波。」
她又表示今屆會特別留意另一老基斯坦奴朗拿度：「因為佢好可能佢最後一屆，想睇佢為葡萄牙出戰。」
雖然支持巴西，但她相信德國更具冠軍相：「因為德國實力穩定，同埋隊長甘美治好勁，係現役世界最佳中場之一。」
下次預告：馬評人CP懷念與已故摯友睇2010年決賽
【一生一世盃】，睇波美好回憶，可以係一生一世。決賽周前訪問不同界別球迷，分享睇世盃的難忘回憶，以及對今屆賽事的睇法。
