【英超傾住睇】KK：玫瑰打吡列斯對曼聯源於數百年王位之爭

【Now Sports】提起曼聯的死敵，大家可能第一時間諗起利物浦或曼城。但其實列斯聯與曼聯的敵對關係，更具歷史意義。

列斯聯對曼聯被稱為「玫瑰打吡」，但玫瑰並非因為浪漫，而是來自15世紀英國金雀花王朝內部的王位繼承戰爭。當時，愛德華三世後裔分裂為兩大派系，用紅玫瑰為標誌的蘭加士打家族，以及用白玫瑰為標誌的約克家族。兩派為爭奪王位展開內戰，就好似《尋秦記》入面秦國未一統時，呂不韋、嫪毐於宮廷中互相角力。

內戰最終由亨利七世於15世紀末結束，建立都鐸王朝，後世就將這場內戰稱為「玫瑰戰爭」。

儘管玫瑰戰爭歷史上已告終，但兩地人民之間的成見並未隨時間抹走。位於蘭開夏郡的曼徹斯特，以及約克郡的列斯，彼此之間的競爭延續至今。每當曼聯對上列斯聯，象徵兩地的歷史、文化、身份之爭。

今個星期日晚上8點半，英超將再次上演「玫瑰打吡」——列斯聯對曼聯。記得鎖定621台《英超傾住睇》，由我（KK）同阿鵬同大家一齊傾波、睇波，一齊感受這場跨越數百年恩怨的打吡戰。

英超 列斯聯VS曼聯

Now TV 621台4/1 20:30直播

設有《英超傾住睇》

撰文：KK—《英超傾住睇》主持

關於《英超傾住睇》

《英超傾住睇》是Now TV推出的互動觀看直播功能，讓球迷一邊觀看直播賽事，一邊與主持及其他球迷即時交流，提升觀賞體驗。觀眾可於開賽前約15分鐘，在相容的手機、平板電腦或智能電視（暫不支援LG智能電視）透過Now TV應用程式，或Now TV網頁進入直播頻道觀看《英超傾住睇》。