白禮頓後備前鋒韋碧克建兩功。
(©AFP)
【Now Sports】白禮頓周六英格蘭超級聯賽，雖然曾以1球落後予車路士，但對手後衛查禾查路巴下半場初段領紅牌，使作客的白禮頓多踢1人下，最後憑後備入替的韋碧克入兩球，得以3:1反敗為勝。
車路士今場有祖奧柏度「倒戈」白禮頓，而主隊亦於24分鐘有個好開始，由中場安素費蘭迪斯近門頂入，半場亦以此入波領先1:0。不過，車路士隨著查禾查路巴換邊後8分鐘，因為一次阻截迪亞高高美斯單刀有入波機會時犯規，被球證判以紅牌將其驅逐出場。
67分鐘，白禮頓以韋碧克入替三笘薰，成為今場比賽勝負轉捩點，韋碧克77分鐘接應耶古巴文迪左路傳中，近門頂破車路士大門，追成1:1。補時2分鐘，同樣後備上陣的迪卡柏在一次角球攻勢組織，近門頂入，使客隊反超前，而韋碧克補時10分鐘，因隊友一次前場逼搶下，令車仔後防犯錯，最後近門射入成3:1完場。
