加利殊倒戈母會
(©AFP)
【Now Sports】當選上月英超最佳球員的加利殊，未能帶領愛華頓主場擊敗其母會阿士東維拉，雙方0:0悶和。
愛華頓與國際賽期前贏狼隊的陣容比較，僅以艾路易賓林取代養傷的米哥倫哥。阿士東維拉則大變陣，其中在轉會窗開放期間最終沒離隊的門將馬天尼斯復任正選。今仗焦點人物當數生涯首膺每月最佳的加利殊（Jack Grealish）。
不過雙方防守算嚴密，加上埋門質素欠佳，中框埋門少之又少，愛華頓的比圖連番失機。至於米高堅尼接應加利殊傳中頭球攻門被反應快的馬天尼斯救出。
結果加利殊未能延續之前兩仗各貢獻兩次助攻的強勢，兩軍最終互無紀錄。維拉開咧4仗尚未取得入球。
