PSG擊敗熱刺捧今屆歐超盃。
(©AFP)
【Now Sports】法甲巴黎聖日耳門於周三的歐洲超級盃，面對英超球隊熱刺，雖然一度落後0:2，但憑兩名後備入替球員李剛仁及干沙路拉莫斯比賽後段各入1球，法定時間內兩隊踢成2:2，PSG最後憑互射12碼勝4:3捧盃。
熱刺今季由新領隊法蘭領軍，今場是他們第1場正式比賽，而上半場明顯踢高位壓逼，令巴黎聖日耳門無法組織攻勢，具威脅埋門少之又少，而熱刺球員頻利用邊線速度，包括新兵古度斯，多次撕破PSG防線。不過，熱刺今場兩個入波，均來自高空攻勢，一對中堅雲迪芬及基斯頓羅美路先後建功。
雲迪芬先於39分門前把握機會破門，替熱刺上半場以1:0領先，而隊長基斯頓羅美路換邊後3分鐘，接應樸羅開出罰球，頭槌頂破PSG門將卓法利十指關成2:0。
兩隊之後換入不少後備兵上陣，但巴黎聖日耳門的李剛仁及干沙路拉莫斯，卻成為今場比賽勝負轉捩點，前者先於85分鐘禁區外一記割草式勁射破網追成1:2。熱刺球員後段體能明顯下降，到補時4分鐘，干沙路拉莫斯接應奧斯文丹比利右路急勁傳中波，門前衝頂入網，巴黎聖日耳門追成2:2平手，使比賽最後進入互射12碼決勝負。
PSG先有域真亞第1輪射失，但熱刺方面有雲迪芬及泰利宴客，而PSG之後4輪全告射入，最後贏4:3，捧走今屆歐洲超級盃。
