阿仙奴球迷唱歌反擊。
(@Now Sports)
【Now Sports】首次於海外上演的北倫敦打吡——阿仙奴對熱刺開波在即，大量球迷下午開始陸續由啟德主場館外準備入場，現場氣氛熾熱。
今次打吡戰亦是兩隊球迷會的大鬥法，兩隊都組織球迷操入球場，沿途高叫口號及揮動旗幟，既鬥氣勢，亦鬥聲勢。兩隊在場館外相遇先上演打氣大戰，令比賽未開始已充滿火藥味。
熱刺球迷Ben以往到過倫敦朝聖，亦有觀看打吡的經驗，笑言無想過在香港亦能重溫那股大戰氣氛。阿仙奴球迷Alan上星期也有到新加坡追星，但可能今次關係到宿敵大戰，氣氛格外熱烈。
居港韓國人Calvin與家人齊齊到場，坦言因孫興慜才開始留意熱刺，再慢慢支持整支球隊。今次入場之外，亦準備回首爾探親兼睇波。不過他強調無論孫興慜日後是否離隊，都不影響對球隊的熱愛。
現時居於香港的阿仙奴英籍球迷Fraser Mander表示7歲開始喜歡阿仙奴，特別欣賞禾確特及亨利，今次特別入場支持愛隊。他亦對新季有很高期望，希望球隊能在英超及歐聯都有好成績。
香港足球盛會
阿仙奴VS熱刺
Now TV 630台31/7 19:30直播
