福仔地標 巴塞3：1打沉勝利船

【Now Sports】巴塞隆拿周日在友賽以3:1打敗神戶勝利船，其中新加盟的華舒福以後備身份完成地標。

巴塞隆拿早前一度宣佈取消日本之旅，但經過協調後，到上周五證實按原定計劃啟程到日本神戶，而今仗正選排出頗強陣容，紅人也馬、夏芬拿、柏迪及加維等星將都正選。上半場33分鐘，艾歷加西亞在一次角球攻勢，在門前亂軍中射入。

不過巴塞的領先優勢不能維持至完半場。42分鐘，宮代大聖在12碼點附近位置轉身抽射扳平1:1。巴塞半場大換人，其中以借用形式加盟的英格蘭前鋒華舒福（Marcus Rashford），與奧姆及利雲度夫斯基等人上陣，福仔顯得賣力，不過明顯狀態不足，曾嘗試底線過波不成功及傳交予隊友入楔力度過大，而他亦曾射門乏力被沒收。

當巴達積於77分鐘入波令巴塞再領先，福仔於1分鐘後退下火線。柏祖費蘭迪斯於完場前3分鐘為巴塞埋齋，湊成3:1完場。