皇馬上半場入2球。
(©AFP)
【Now Sports】皇馬在領先3球下，被切爾達連追兩球，最終只能主場以3:2險勝。
周日皇家馬德里對切爾達的西甲比賽，一開波3分鐘皇馬就有雲尼素斯左路底線傳中，古拿殊凌空倒卦炒高；1分鐘後切爾達有馬高斯阿朗素攝前柱接應角球僅僅出界，隨後2分鐘該西班牙後衛再有一次頭槌機會，被古圖奧斯撲出。
皇馬上半場控球時間較多，但受制於切爾達屯重兵防守，具威脅埋門不多，結果等到32分鐘一次角球機會，古拿殊右路禁區勁抽遠柱網仔破網，皇馬領先1:0。打破缺口後，入球陸續有來，古圖奧斯後防救出靚波後，皇馬隨即打快攻，安巴比右路跣腳下仍能射出靚波收死門將，皇馬39分鐘拉開比分至2:0完上半場。
必須取3分的皇馬下半場一開波再下一城，安巴比中路左腳拉弓得手，48分鐘皇馬遙遙領先3:0。皇馬其後繼續有入球機會，56分鐘比寧咸快攻下禁區外埋門不中目標，1分鐘後這名英格蘭中場禁區頭槌又無功而還。
結果切爾達69分鐘有查維亞洛迪古斯一次角球機會近門破網，追成1:3後，隨即加強攻力，76分鐘再有史韋貝治中路右腳拉弓得手，追至2:3只有一球差距。尾段切爾達盡地一煲反掣，87分鐘後備上陣的艾斯柏斯左腳施射被救出後，皇馬最終主場險勝3:2。
