「長人」雲班亞馬於度假時踢波。
(©AFP)
【Now Sports】聖安東尼奧馬刺「長人」雲班亞馬，因為血栓塞早已收咧，而聖安東尼奧馬刺亦無法爭取到季後賽資格，球隊成員早已提早放假，而「斑馬」到了哥斯達黎加度假，並且同當地人踢波，以其身型可謂高人幾等。
雲班亞馬（Victor Wembanyama）目前力爭回復最佳狀態，希望可以克服血栓塞情況，以趕及下個賽季上陣，而他在哥斯達黎加度假中，參予業餘足球比賽，同當地人打成一片。由於21歲的「斑馬仔」身高超過7呎，片段中他帶波時，以及跳起截波時，可謂非常突出，甚至有點嚇人，因為太高關係，成為全場焦點，就連英格蘭前國腳「長人」高治，睇完Wemby踢波短片後，都要行埋一邊。
事實上，雲班亞馬與馬刺隊友謝利美蘇恆都是足球迷，後者是英格蘭長大，亦是阿仙奴粉，而「斑馬仔」支持巴黎聖日耳門，坦言兩人經常傾波經，故十分投契。
相關片段連結：https://www.instagram.com/reel/DI1VrF3xIb5/
