阿仙奴今季首循主場1:0小勝葉士域治。
(@Now Sports)
【Now Sports】本周日晚上9點，英超上演葉士域治對阿仙奴一戰。阿仙奴剛於歐聯擊敗皇家馬德里，士氣正盛，作客面對陷入護級漩渦的葉士域治，誓要全取3分延續氣勢。球迷可透過Now TV《英超傾住睇》一同收看，手機、平板甚至電腦網頁版都可以邊睇邊傾！
目前排在18位的葉士域治，與護級線上第17位的球隊有多達14分差距，護級形勢極為嚴峻。上場雖然對住爭逐歐聯席位的車路士一度領先兩球，但最終被追成2:2平手，反映葉士域治雖有韌性，但防線問題依然未解。今場面對強勢而來的阿仙奴，恐怕只能為最後幾場主場英超而戰。
阿仙奴剛於歐聯8強次回合作客2:1擊敗皇家馬德里，順利晉級4強，將與巴黎聖日耳門爭奪決賽席位。雖然回到英超賽場，聯賽榜上落後利物浦達13分，基本上已難阻利物浦封王，但餘下6場比賽，仍然是為保持狀態和士氣而戰。
這場比賽，我Key sir與阿鵬將於Now TV《英超傾住睇》陪大家邊睇邊傾！除了用手機或平板電腦透過Now TV App收看之外，現在更支援電腦網頁版收看，方便球迷無論身處何地，都能與我們及其他球迷邊傾邊睇。
英超 葉士域治VS阿仙奴
Now TV 621台20/04 21:00直播
（設有《英超傾住睇》）
撰文：Key sir—《英超傾住睇》主持
關於《英超傾住睇》
《英超傾住睇》是Now TV推出的互動觀看直播功能，讓球迷能夠一邊觀看直播賽事，一邊與主持及其他球迷即時交流，提升觀賞體驗。觀眾可於開賽前約15分鐘，在相容的手機或平板電腦透過Now TV應用程式，或Now TV網頁進入621台《英超傾住睇》觀看直播。
