祖雲達斯大勝。
(©AFP)
【Now Sports】周一意甲，祖雲達斯由新帥莫達領軍，主場以3:0輕取由法比加斯執教的升班馬科木。
祖雲達斯排出4-2-3-1陣式，由拉賀域（Dusan Vlahovic）任單箭頭，添姆菲韋亞、尤迪斯、梅巴古拉從後支援。科木雙箭頭為古當尼、比洛堤。
22分鐘，20歲的梅巴古拉令人意外地擔正，推大位射入靚波，斑馬兵團先開紀錄。拉賀域之後兩度中柱，再在補時1分鐘刻意漏後，今次輪到韋亞勁射中楣，但成功彈入，祖雲達斯領先科木至2:0。
易邊後僅30秒，拉賀域接應左路傳中衝前頂入遠柱，但被指越位。拉賀域今場不太好運，之後近門起腳被拉爾拿撲走，補中頭又中柱。補時1分鐘，甘比亞素從禁區外射入埋齋，祖雲達斯大炒科木3:0。
至於阿特蘭大雖然缺少多員主將，仍憑兩名新兵比斯安連尼、利迪基各自梅開二度，作客大炒萊切4:0。