Karri去季以外借身份代表Fylde出賽。
(筆者提供)
【Now Sports】Pre season期間體驗過3支不同球隊，包括Fylde同另外兩支英甲嘅隊伍都有加盟機會，取捨之下，最終決定喺新一季加盟Fylde。
另外兩隊都係英甲，即係踢嘅組別高一級，但係自己未必會有好多出場機會，加上去季尾已經（以外借身份）跟咗Fylde一段時間，雖然成績唔理想甚至降班，但係球隊畀好多機會我，令我射入自己喺英甲嘅首個入球。加上教練都好support我，所以新一季都打算繼續留喺球隊。
教練係之前曼城青年軍嘅教練，雖然佢當時唔係教我嗰隊，但係都認識對方，所以希望自己跟佢嘅呢一季，可以學到多啲嘢進步大啲。對於個人今季嘅目標，係希望可以幫助Fylde升上英甲，盡力踢好每一場比賽。
另外，新學年準備升大學，希望可以兼顧到學業嘅同時，又唔會影響到自己踢波。
撰文：陳頌文
前港隊代表，先後效力曼城青年隊、史篤城預備組與布力般流浪U21，新加盟AFC Fylde。
本欄不定期上載
