李卓耀在ig抒發自己奧運之旅的感受。
(©AFP)
【Now Sports】港隊羽毛球代表李卓耀於巴黎奧運男單分組賽無緣晉級，完成今屆奧運之旅後，周四透過社交網絡總結他「人生第一個奧運會」。
「我嘅巴黎奧運之旅咁就完咗，沉澱左（咗）一日終於總結到我嘅感受。」比賽完結後一天，李卓耀在社交網站，抒發自己奧運之旅的感受。
「我好開心可以喺咁大型嘅比賽成為其中一份子，雖然結果未如理想，但我一定唔會氣餒，繼續努力去達成心目中最理想嘅我，自問喺呢兩場比賽入面已經盡咗力，但唔滿意，只可以接受自己仲有進步空間，老毛病都係一直喺我身邊，我會好好去改善自己捲土重來。由上屆得唔到奧運資格，我開始慢慢咁去改變，無論心態、體能、作息…雖然未去到最好，但自問都問心無愧，我亦都冇後悔講過要攞金牌，因為呢個係我由轉全職以黎一直嘅最終目標。」
阿耀亦感謝了身邊所有人的支持，同時亦感謝香港人對他的支持與評價，讓他進步，「好多謝我身邊每一位真心支持我同陪伴住我嘅人，不論我嘅屋企人、教練、治療師、體能教練同陪伴住我嘅朋友兄弟隊友們，我永遠都唔會忘記。」
「好多謝有睇我奧運嘅每一位，不論評論好與壞，我都一一吸收，可能無意中得罪到某些人，好想同你地（哋）講聲對唔住。我知道咁樣先可以令我更加進步同強大，我真係好想證明俾大家睇，我唔會咁易跌倒！」
「四年後希望大家會再見到一個金色頭髮，有紋身嘅李卓耀出現係（喺）你面前， 最後多謝你哋呢段時間一路睇住我哋嘅動態，希望大家繼續支持香港嘅運動員。」
全文：https://shorturl.at/wVmzT
