英格蘭歷史性兩屆歐國盃決賽，屈居亞軍。
(©AFP)
【Now Sports】喺今屆歐洲國家盃開始時，大型運動品牌三間嘅宣傳歌用咗披頭四嘅《Hey Jude》，配合代言人比寧咸嚟宣傳，筆者唯有用返歌中呢句歌詞，作為賽事最後一篇文章題目，等一眾英格蘭粉絲面對再一次決賽傷心結局同時，好好咁向前行。 撰文：沙維斯達
球迷大概都會知道領隊修夫基嘅保守思維，但估唔到連決賽都係咁，正所謂救得一次，救唔到第二次，高爾彭馬已經盡咗佢嘅本份，後備落場2分幾鐘就追和西班牙1:1，再次展示佢後備神隊友本色。跟據「南閘」比賽劇本，追和後又再縮後並唔意外，但點解明明有啲正選球員冇表現，冇體力，都唔肯畀啲後備球員落場一試？唔通又再期望互射12碼？
修夫基嘅「腦朋友」係咩構造，真係令到一眾英粉好難明，既然決賽再一次輸波，歷史性兩屆成為歐國盃亞軍，咁作為英粉嘅只好Take a sad song and make it better，如果唔係屈埋屈埋，真係傷心嘅就只有自己。
撰文：沙維斯達
從足球中搵下快樂同生活費
