李文恩終修成理文果。
(@Now Sports)
【Now Sports】理文昨日舉行首奪港超冠軍的慶功宴，邀來多名本地歌手到場表演助興，班主李文恩即席大派100萬冠軍獎金，同時透露來季組軍大計。
成軍7年，終在今季港超以不敗戰績首嘗聯賽冠軍的理文，昨日大排筵席慶祝封王，球會上下均有現身慶功宴，其中班主李文恩亦有大開金口唱歌，更在現場頒發100萬元冠軍獎金的支票，他透露來季組軍方向和大計，為下季直入「亞冠2」分組賽做好準備。
被家人笑言兒時左手揹書包、右手抱足球，非常深愛足球的李生談及組軍進展：「接近有7成球員留隊，大致華人班底希望可以今個禮拜內落實，過去我哋成日畀人笑中後場問題，所以我哋游說緊2至3個中後場嘅本地頂級華將加盟。而且亞洲賽都難打，我哋只係『初哥』。」
他指正與今季港超神射手安尼亞及中場保利臣洽談續約，冀再為前中後三線引援：「歐亞聯賽都會搵，當然唔會喺英超搵啦，好似西班牙2級聯賽嘅球員水平都唔錯，希望搵到啲係正選同當打嘅，初步有接觸嘅，前中後各一，前線應該係歐洲或者南美，後防就偏好西班牙後衛，因為佢哋嘅踢法都配合到我哋。同埋都想重用本地球員，所以只用7名外援。」同時稱因比賽強度較高及練兵效果好，球隊來季或以韓國為季前集訓地點。
由於下季將出戰亞洲賽，主教練曾昭達被問到帶隊資格時表示：「因為嗰邊未開班，暫時未考到Pro Licence住，好大機會再由有專業級教練牌照嘅佐迪帶隊出賽。」
