安官古吹氣球慶祝。
(©AFP)
【Now Sports】周三英超，車路士作客以2:1輕取白禮頓，極大機會在煞科日確定歐洲賽資格。
車路士繼續由尼高拉積遜掛帥，配合馬度亞基、高爾彭馬、梅迪歷，左閘捷維爾養傷多時後終返後備席。白禮頓射手祖奧柏度傷癒回歸。
34分鐘，倒戈的古古尼也左路底線傳中，彭馬衝前頂入遠柱，車路士先開紀錄。積遜在完半場前頂入，但被判推林迪在先，車路士食詐糊，之後輪到白禮頓有祖奧柏度頭槌攻門被佐治柏度域撲出，車仔以1:0領先白禮頓重返更衣室。
下半場戰至64分鐘，古斯度右路突圍而出後傳中，後備入替的安官古（Christopher Nkunku）射入，車路士擴大優勢。雖然域斯占士無故踢祖奧柏度領紅牌，但車仔保持勝局，以2:1擊敗有韋碧克破蛋的白禮頓。
車路士以37場60分升上第6位，領先紐卡素、曼聯3分，落後第5位熱刺3分，車仔在煞科戰只要取1分便肯定殺入歐協聯，勝出更有機會踢歐霸盃。
