歐國盃2024落戶NowTV 邀港足任評述員

【Now Sports】歐洲國家盃2024將於6月揭幕，Now TV將為香港球迷獨家全程直播51場賽事，並於今日舉行記招，更邀來港足成員陳肇鈞、港會中堅劉學銘及前香港足球先生陳肇麒出任賽事評述員，3人亦有亮相今日活動。

Now TV自2008年起連續5屆獲官方授權播放歐洲國家盃，今屆賽事於德國10個城市舉行，24支國家隊將競逐冠軍殊榮。本台亦在今屆賽事期間增設全新688頻道「Lucky 688」，由「阿鵬」陳樹鵬、Will仔、專家Dickson、藍仔頭及幾名絲打講英超成員，提供即時比賽形勢及分析等，為不同種類及年齡層的球迷提供更多選擇。

今屆香港足球先生大熱的陳肇鈞，被問到今屆歐國盃有否「心水」時笑言：「無睇好邊個國家，最睇好香港。」「七哥」陳肇麒就稱，支持隊伍不是韋拿的西班牙：「英格蘭呀，因為英超由細睇到大，所以對佢哋有情意結，尤其是今年有好多球員係球會擔大旗，好似薩卡、懷斯同比寧咸，同埋好希望哈利簡尼可以攞到佢人生第一個冠軍。」

港會中堅劉學銘表示心繫英軍：「始終都係細細個就睇英超，好有情意結，前線能力固然好強，但身為中堅嘅我都有留意史東斯同高維，兩個嘅表現都好好。」他更指：「今季轉去踢半職嘅港會，就係為咗有更大嘅自由度去發展其他事業，而家去講下波都係其中一個轉型路上嘅可能，同埋都有收到其他港超球會嘅offer，所以真係未知下季係咪留返喺港會，好視乎球圈情況。」

本屆歐國盃揭幕戰於香港時間6月15日凌晨3時上演，由主辦國德國與蘇格蘭交手；爭取衛冕的意大利將於6月21日凌晨，對陣3度奪得歐國盃冠軍的西班牙。