理文中場胡晉銘感謝市民的肯定。
(港協暨奧委會)
【Now Sports】香港足球代表隊繼2015年後再次榮獲最佳運動隊伍獎項，一眾港腳均感喜悅之際，主帥安達臣更傳來續約的喜訊。
港足於去年杭州亞運殺入4強創歷史，過程中先擊敗巴勒斯坦，再於8強淘汰伊朗，雖在季軍戰憾負烏茲別克，但這些振奮人心的每一幕，相信是擊敗香港七人欖球隊勇奪最佳運動隊伍獎項的原因。
亞運隊長胡晉銘受訪時肯定港足在本地體壇的地位：「因為足球脫離咗體院咁多年，唔係一個精英運動項目，但都得到呢個獎，都好多謝評審同市民嘅支持，賦予呢個肯定同認可畀我哋。」
這名26歲守將更稱：「我哋呢次亞運嘅旅程真係好難忘，呢一世都永生難忘，尤其係我哋有對日本同伊朗呢啲強隊，呢啲咁好嘅經驗都會令到我哋之後有幫助，希望港隊未來可以繼續打入亞洲盃決賽周。」
另外，港隊主教練安達臣也有談及續約進展：「我同足總傾緊續約㗎啦，慣例係續約2年，但我就傾向續3年約，希望未來嘅見面可以落實到續約事宜。」