【Now Sports】恒生乒乓球學院於今日舉行畢業禮,以嘉許乒壇新秀卓越表現,其中港隊總教練李靜,球手黃鎮廷、杜凱琹及蘇慧音等人均於席上。
恒生乒乓球學院去年共舉辦172個課程,接近2300人參加。在近百名畢業生當中,最年輕僅9歲,另外有3位學員成為香港青年代表隊的成員,並於今日畢業禮頒發20多個獎項,包括最佳球員、最佳青少年球員、明日之星及最具潛質球員等獎項。當中更有港隊黃鎮廷及杜凱琹為一眾香港未來新星送上獎項,勉勵新秀球員。
港隊總教練李靜受訪時大談奧運的前景:「依加港隊大致係有男女單、混雙同女團加埋4項去到奧運,黃鎮廷係亞洲第2(亞洲共6個名額),所以佢嘅男單資格係樂觀嘅;加埋林兆恒都有一半機會入到奧,對於佢嚟講嚟緊4至5個包括沙特同重慶嘅比賽都好重要,我相信佢得嘅,亦都有信心港隊可以喺奧運積分結算限期前搶到多啲分。」他亦指未決定女團的人選,但幾乎肯定手部神經傷患未癒的蘇慧音(Minnie)無緣奧運。另外,Minnie亦稱最近已恢復有限度的訓練。
上月升任總教練的他少不免地被問及奧運的目標:「攞唔攞到牌我唔會俾壓力佢哋,我今年唔會坐喺側邊指揮,主要會喺後面幫佢哋減壓,大家盡情俾壓力我就得,等佢哋可以放鬆去比賽先可以發揮得最好,咁就可以攞到佳績。」