【Now Sports】香港國際桌球明星挑戰賽上演次日賽事，焦點落在卓林普於尾場打出147擊落「火箭」奧蘇利雲，為次日賽事畫上完美句號。
由於威廉斯身體抱恙未能出席次日頭場下，獲邀頂替出戰的世界排名12球手、英格蘭「戰士」加蘭威爾遜，他原定僅出席表演賽，最終卻提早一日落場展示球技，今戰初段似乎仍未入局，迅即被對手斯佳輝連贏兩局帶出2:0。不過，穩定陣腳後的加蘭威爾遜，之後兩局馬上「起迫」，分別打出單杆100及104分，馬上追和2:2。次節繼續是加蘭威爾遜天下，包括在第6局「起迫」77分，最後在全場打出兩Cue「破百」之下，贏局數5:3。
次場由東道主傅家俊（Marco）對英格蘭球手利素禾斯基，Ｍarco首局即「起迫」114度清枱，以125:6先拔頭籌。Ｍarco次局控制形勢再下一城，將局數抛開至2:0。其後利素禾斯基以71:65拿下第3局，但今日發揮出色的Ｍarco之後再取一局，以局數3:1完成首節。第2節重開，利素禾斯基以「起迫」103度還以顏色，一度追近局數至2:3，無奈受制於Marco的穩定演出，最終利素禾斯基仍以2:5敗陣。
尾場上演「世一、世二」的巔峰對決，由「準神」卓林普硬撼「火箭」奧蘇利雲，賽前卓林普揚言要擊落「火箭」，結果兌現承諾。卓林普開局連下兩城，包括第2局「起迫」75度。之後輪到奧蘇利雲還以顏色，接連打出單杆127及99度，迅即扳成2:2平手。次節卻盡是「準神」天下，一口氣連贏3局，包括在第6局轟出147滿分，最終卓林普以5:2擊落「火箭」，為個人今次香港之旅畫上完美句號。
卓林普賽後難掩打出147的喜悅：「真係好興奮，記得Marco喺之前嘅香港大師賽都打到147，今次我做到一樣嘅佳績，自然格外開心。」他亦大讚香港球迷非常熱情，而且相當期待4月的世錦賽。
另外，Marco於擊敗利素禾斯基後受訪時謂：「呢場贏咗啦，加埋兩場波都發揮得唔錯，今次係嚟緊世界賽前嘅熱身賽，完咗呢個比賽會出去同屋企人放鬆下，之後再提早去英國備戰。」
