【Now Sports】中國海帆船賽明日將於香港維多利亞港展開,大會今日舉行記招,一眾帆手均有列席。
中國海帆船賽首屆賽事始於1962年,屬於亞洲區內最悠久的經典離岸賽事,此次由香港遊艇會主辦,本屆明日將於維多利亞港啟航,一眾選手需橫越南中國海,直達菲律賓蘇碧灣,整個賽程長達565海里(1046公里),以環繞香港島一周為45公里計算,這個離岸賽的賽程猶如環繞香港島約23次之多。
「海狼號」中國參賽代表顏宇業及團隊的馬來西亞前國手古綺琴(Tiffany Koo)受訪時淡然形容,帆船比賽是聽天由命:「我哋一定係想贏冠軍,希望用5日可以完賽,不過贏唔贏到就睇天啦。除咗比賽第一日係有東北風之外,其後日子嘅風力會減弱,如果船隻唔好彩落入無風帶就比較麻煩。」
至於香港代表則有「Rampage號」參賽,船長陳維澤(Noel)簡略今屆賽事換船出賽的原因:「上年用TP52出賽,係好快好似一架賽車,設備相對簡陋,瞓覺都要喺地板,比賽係無啖好食;但今次換咗架仿跑車出戰,咁設備齊全啲,可以煮下嘢食,而且有張床瞓下,咁樣團隊可以係長途跋涉下有足夠休息,而且更加enjoy個比賽,至少唔使咁辛苦。同埋睇天啦,希望可以用3日半或4日完賽,31號就可以係酒店張床度休息。」
Noel坦言大海的魅力可令他忘憂:「今年已經係第3次參賽,花咁多時間人力物力同錢都要比賽,係因為本身份工嘅壓力比較大,帆船出海可以令我將工作嘅煩憂拋諸腦後,同隊友一齊做鍾意嘅嘢,係人生一大樂事。」
賽事途中將經過顛簸及充滿挑戰的海域,才到達菲律賓北部附近的深藍色水域。賽事看似有東風的眷顧,但實際帆手將經過重重難關。例如呂宋附近因受地型阻擋,風力變弱,勢拖慢船隊速度,甚至拉近對手之間距離,直至到達靠近菲律賓海岸時所有參賽船隊猶如重新起步。加上整場賽事中選手難免經過風高浪急海域,甚至被漁網纏著帆船底部。因此,地理環境對選手增加一定難度。