迪勤懷斯入波沒有慶祝。
(©AFP)
【Now Sports】阿仙奴有薩卡梅開二度，加上迪勤懷斯倒戈入網，作客大炒韋斯咸6:0。
周日韋斯咸主場對阿仙奴的英超比賽，比起3:1擊敗利物浦一役，阿仙奴今戰繼續有哈伐斯出任中鋒，另托沙取代佐真奴打正選。韋斯咸方面則有查洛保雲打單箭頭。開波3分鐘查洛保雲一度將皮球送入網窩，但越位在先而入球無效。隨後阿仙奴站穩陣腳，控球時間接應65%以上，21分鐘托沙接應薩卡右路傳中頭槌一頂高出；2分鐘後再次是托沙左路球不著地抽射，又被阿希奧拿救出。
其後入球騷出現，32分鐘沙利巴接應角球一頂破網，阿仙奴領先1:0。36分鐘薩卡右路窄角度埋門斜出，5分鐘後薩卡單刀被阿希奧拿整跌，球證直指12碼，薩卡親自操刀中鵠，客隊41分鐘領先2:0。44分鐘加比爾接應迪勤懷斯罰球傳中一頂破網，拉開至3:0；補時2分鐘奧迪哥特直線，托沙一「吸」燙射遠柱死角入網，阿仙奴遙遙領先至4:0返入更衣室。
下半場韋斯咸換入加雲菲臘斯和馬夫路班奴斯，但下半場仍是阿仙奴主攻，一開波先有托沙12碼點位置埋門炒高；另馬天尼利頭槌不中目標。57分鐘薩卡入楔小禁區埋門無功而還，但63分鐘薩卡右路禁區推順抽射得手，阿仙奴領先至5:0，2分鐘後再有迪勤懷斯禁區外世界波網仔入，65分鐘倒戈入球為阿仙奴拉開6:0至完場。