ATP巡迴賽重臨香江 除夕日燃點戰火

【Now Sports】睽違21年後，ATP巡迴賽再次重臨香港，大會今日舉行發佈會宣佈參賽球手，當中世界第5的盧比利夫、美網前冠軍施歷及本地新星黃澤林等將於維多利亞公園網球主場較勁。

中銀香港網球公開賽2024作為全球ATP巡迴賽，明年賽季首周揭開帷幕的賽事之一，大會今日公佈世界排名第5位的盧比利夫、世界排名15位的卡真洛夫、世界排名16位的迪亞科爾及2014美國公開賽男單冠軍施歷、香港精英黃澤林（Coleman）、中國新星商竣程及世界排名前50位的美國球手麥當奴將參戰。

早前在日本ATP挑戰賽表現不俗的Coleman，現時於海外休息只能以視像會議接受訪問，他對於主場出擊感到興奮及期待：「今次係我首次打ATP 250系列賽，仲要係主場打，其實我無乜壓力，最正係之前都試過係香港打比賽，有好多球迷打氣個感覺好難忘。今次希望都有多啲球迷入場支持，睇到我呢一年以嚟嘅進步。」

被問到對於世界排名的躍進，他笑言：「呢年由好似1000位左右，升到依加排名252位，已經超越咗呢年所訂下升至前300嘅目標；除咗呢個目標好難忘之外，就係喺亞運對吳易昺個場波，好似開咗竅咁，覺得自己係可以去到佢哋嘅水平。」Coleman亦自信現時狀態良好：「雖然呢2、3個月個變化幾大，入咗兩個決賽，係咁飛嚟飛去其實都有少少攰，但係覺得依家狀態係提升緊，會畀大家見到我fit嘅一面。」

這項強勢回歸香港的ATP巡迴賽，將於本月31日至明年1月7日於維多利亞公園網球主場舉行，屆時Now TV將現場直播賽事。