0
0
【球迷會請入】熱刺香港:有力與曼城一戰

【球迷會請入】熱刺香港:有力與曼城一戰

熱刺香港球迷定期出嚟圍內踢波,亦參與香港球迷會聯賽。 (受訪者提供)

【Now Sports】今輪英超重頭戲當數曼城迎擊熱刺,今次請來熱刺香港Lilywhite HK代表分析這場大戰,大致認為失球難免,但對前線有信心,深信有力一戰。

Q:熱刺下周日大戰曼城,勝算如何?估計勝負關鍵何在?

熱刺近期傷兵有增無減,後防更因為副隊長中堅基斯頓羅美路停賽、新加盟主力中堅雲迪芬受傷,導致上仗對阿士東維拉需要擺出4閘後防。相信呢個問題喺作客曼城時將持續,所以後防失波會係預算之中,勝負關鍵就在於前線能唔能夠把握到入球。

球隊發電機占士麥迪臣雖然因傷無法上陣,但熱刺攻勢依然強勁,可惜嘅係孫興慜上場雖然3次送球入網,但最後都被VAR推翻。相信如果今場熱刺前線能夠有好嘅把握力,就算作客曼城仍有力一戰。

Q:哈利簡尼離隊,球隊季初氣勢如虹,近期明顯下滑,你們認為原因是甚麼?

熱刺史上最佳射手簡尼離隊,當然對球隊進攻有巨大影響,大部份球迷預期熱刺陷入一輪啞火陣痛期。尤幸新領隊及新球員皆能快速融入,新戰術下每人多走一步,攻力不減反增,不過近期前中後場均有不少主力球員經歷傷病停賽,導致戰績下滑,希望後備球員可以把握上陣時間踢出身價,繼續踢出漂亮進攻足球。另一影響最大的原因,我哋認為舊有球員對保守踢法太過根深蒂固,未能快速適應樸帥嘅進攻踢法,導致主力球員傷出後無辦法保持一開始嘅表現。

Q:如何評價領隊樸斯迪哥高奧至今的領軍表現?

神奇,頂級,超卓!正如剛才所講,本來大部份球迷對陣痛期已經有一定心理準備,甚至喺樸斯迪哥高奧未上任前已經有聲音希望佢唔好加盟熱刺。如果有人同你講熱刺喺第10周嘅時候會排喺英超榜首,相信你會笑住咁同佢講唔好發夢,但係樸斯迪哥高奧表現出色,喺頭10場英超比賽錄得8勝2和佳績,而且連續3個月獲得最佳領隊獎項,相信好多球迷都預計唔到有咁靚嘅開局。

雖然近3場比賽球隊狀態有所回落,但並冇影響我哋對佢嘅信心,相信熱刺只要繼續堅持踢法,入球同埋分數將陸續有來。

Q:孫興慜在亞洲一直受歡迎,你們估計他今季英超最後可入幾多球?

孫興慜喺英超13場比賽中已經獲得8個入球,我哋相信只要佢今季能夠繼續健康上陣,20球以上絕對不成問題。

Q:對球隊爭入前4信心如何?

我哋對今季球隊排名進入前4,重返歐聯舞台暫時仍然審慎樂觀。雖然球隊近況下滑連輸3場,但唔難喺訪問中睇出團隊入面,大家都渴求勝利,球員亦希望可以盡快重回正軌。我哋只係距離第4位球隊(阿士東維拉)兩分,絕對係一個可以追嘅位置。

Q:可否簡介你們球迷會/群組?

我哋熱刺香港Lilywhite HK成立於2015年,Facebook專頁旨在聚集一眾香港熱刺球迷,作球會資訊集散渠道,與一眾球迷理性討論,依家大約有7000個followers,同時亦有Facebook吹水谷同Whatsapp谷畀球迷交流。雖然我哋一眾admins都各有各忙,大家亦由當初喺社會初出茅廬嘅後生仔到依家各自結婚、生仔、移民,但係大家仍然盡量每日都update專頁,希望畀一眾熱刺球迷睇到最新嘅球會資訊同傳聞。開心嘅係我哋都依靠呢個渠道識咗唔少好朋友,喜酒都飲過唔少餐,所以都要多謝熱刺連繫咗我哋呢一班有共同興趣嘅球迷。

Q:與熱刺官方或者其他熱刺球會群組有沒有任何聯繫?

我哋同香港熱刺官方球迷會Spurs HK分屬友會,一眾球迷閒時都會去Spurs HK專屬嘅灣仔Taboo餐廳睇熱刺比賽。

Q:為會友籌組過哪些活動?

疫情前我哋都搞過唔少睇波活動,當年歐聯決賽,我哋搞過逾百人嘅睇波活動,但係疫情後真係較少機會可以再搞咁大型嘅活動。依家主要嘅活動係同球迷定期出嚟圍內踢波,同時亦有一隊球隊,參與香港球迷會聯賽,畀球迷有機會參與輕鬆嘅球聚,同時都有機會參與有競爭嘅比賽。

Q:可否推介與你們友好的本地球迷會或群組?

同我哋比較多交流嘅球迷會,都係一眾球迷會聯賽嘅參賽球隊,包括巴塞香港官方球迷會、香港紐卡素球迷會、皇家馬德里香港官方球迷會、香港利物浦官方球迷會、Milan Fans Club(MFC)、祖雲達斯香港球迷會同埋曼聯官方球迷會,大家都可以喺Youtube同Facebook多多留意「香港球迷會聯賽 Hong Kong Supporters' Club Football League」。

相關文章:

【球迷會請入】日本隊香港球迷會:上田係亞洲盃首席中鋒

https://sports.now.com/home/news/details?id=38866088790

【球迷會請入】「巴」「皇」躉齊貼愛隊贏2:1

https://sports.now.com/home/news/details?id=38860555972

【球迷會請入】般尼從來不易!

https://sports.now.com/home/news/details?id=38858783508

【球迷會請入】國米躉:杜林可能一季入20球

https://sports.now.com/home/news/details?id=38855185797

【球迷會請入】棒球大聯盟:上屆港隊已不再捱打

https://sports.now.com/home/news/details?id=38852821552

【球迷會請入】拿玻里躉:快啲搞搞條防線!

https://sports.now.com/home/news/details?id=38850680695

【球迷會請入】德友:為重召湯馬士梅拿驚訝

https://sports.now.com/home/news/details?id=38848258625

【球迷會請入】逢隔周五上載。歡迎各球迷會與群組分享你們的故事與活動,不妨到「球十三」fb專頁留言。

  1. 更多
  1. 福建海警廈金海域開展執法演練和巡查
    福建海警廈金海域開展執法演練和巡查
    3小時前
  2. 「防騙視伏APP」新增公眾舉報平台功能
    「防騙視伏APP」新增公眾舉報平台功能
    3小時前
  3. 土瓜灣客貨車撞傷女子 昏迷送院
    土瓜灣客貨車撞傷女子 昏迷送院
    3小時前
  4. 廣州南沙瀝心沙大橋受損跨樑開始拆除 便橋料7至10日建成
    廣州南沙瀝心沙大橋受損跨樑開始拆除 便橋料7至10日建成
    3小時前
  5. 男子深圳鹽田玩直立板墮海翌日漂至西貢獲救送院
    男子深圳鹽田玩直立板墮海翌日漂至西貢獲救送院
    3小時前
  6. 大埔女子中刀案 警拘兩男
    大埔女子中刀案 警拘兩男
    4小時前
  7. 夏寶龍訪港第四日 到黃大仙飲早茶及探訪社區客廳
    夏寶龍訪港第四日 到黃大仙飲早茶及探訪社區客廳
    4小時前
  8. 大律師公會及律師會:向夏寶龍反映23條立法意見
    大律師公會及律師會:向夏寶龍反映23條立法意見
    4小時前
  9. 俄軍擴大烏東佔地優勢 基輔指西方軍援延誤打擊部署
    俄軍擴大烏東佔地優勢 基輔指西方軍援延誤打擊部署
    5小時前
  10. 福建海警和漁政部門廈金海域執法巡查
    福建海警和漁政部門廈金海域執法巡查
    5小時前