卓恩確實後生可畏前途無限。
(HKPC)
【Now Sports】為港隊奪得今屆亞殘運首面獎牌的泳將吳卓恩，賽後特別感謝家人及教練，助她踏上頒獎台。
年僅13歲的吳卓恩在女子S6級100米背泳決賽，以1分33.37秒奪得銅牌。她賽後表示：「首先好榮幸可以為港隊喺今屆亞殘運奪得第1面獎牌，對於攞到獎牌自己都好開心。今日初頭有少少慢，轉身之後就愈嚟愈順，呢個都係個人最好成績。希望嚟緊比賽可以發揮得更好，我想多謝家人同教練畀我機會攞到呢面獎牌。」
至於總教練江俊賢坦言滿意卓恩表現，他說：「其實佢對手都好強，第1名係亞洲紀錄，賽前預計卓恩係第2至第4名，因為報名時間大家都好接近，睇下臨場發揮邊個較好。卓恩開頭比較慢熱，過咗25米後愈游愈順，做到個人最佳時間，對佢整體表現感到滿意。
江教練續謂：「佢嘅主項100米蛙泳會喺第4日比賽，希望佢之後發揮愈來愈好。我作為教練對於卓恩可以成為今屆亞殘運港隊第1個獎牌得獎者，都覺得好光榮同驕傲，希望佢之後繼續有機會再上頒獎台。」
吳卓恩本周四（26日）將出戰主項100米蛙泳賽事。