港泳隊今屆以銅牌謝幕。
(©AFP)
【Now Sports】港隊喜獲女子4x100米混合泳接力銅牌，最後一次出戰亞運的歐鎧淳顯得感慨，認為是圓滿結局。何詩蓓則表示亞運參賽機會難逢，希望訓練成果可以延續。
何詩蓓賽後說：「好滿意自己今屆成績，唔知人生有幾多個可以去亞運嘅機會，為咗今年咁多個比賽，同埋下年嘅巴黎奧運，其實都做咗好多訓練，證明依家個訓練係work，希望可以繼續落去。」
今屆亞運游泳最後一個項目，香港女子隊於4x100米混合泳接力決賽因原本第3衝線的新加坡隊犯規，被取消資格，令游第4名的港隊意外地奪銅牌，更造出4分01.72秒的新香港紀錄。
「四朝元老」歐鎧淳以獎牌告別，她顯得感慨：「每一個香港紀錄都我，我都好開心嘅。嗰種開心係唔識用文字形容，多謝我嘅隊友同我一齊完成呢個亞運。」她續說：「係一個好完美結局，多謝大家。」
