眾泳將靜待成績的一刻。
(球會官網圖片)
【Now Sports】港隊在女子4x200自由泳接力賽未能得到獎牌，卻成功刷新香港紀錄，何詩蓓賽後為此表示開心，亦為個人在今屆的表現滿意。
港隊在女子4x200自由泳接力決賽得到第4名，但所游出8分02.42秒的時間，打破九年前於仁川亞運所造出的香港紀錄。何詩蓓賽後接受媒體訪問時說：「游到best time破到香港紀錄好開心。」
談到之前在個人50米自由泳得銀牌，她說：「其實游泳真係唔係好睇到隔籬線嗰啲人，所以尤其係50米咁短都係想愈快愈好，希望想快啲完。」對於個人今屆表現，她說：「嚟之前冇咩特別expectation，冇話想要咩獎牌同攞咩色，只係希望盡自己努力游到最好，so far我覺得自己表現都唔錯，打破幾個香港紀錄、亞洲紀錄，所以好滿意。」
至於「四朝元老」歐鎧淳笑謂：「我對上一次游200自係四、五年前，但佢哋成日講笑『團隊需要你，要你去游』，OK，我去游，游第4棒唔緊要。好開心最後一個亞運可以同大家一齊喺呢個地方，又可以破香港紀錄。」
