何詩蓓為港泳隊摘下亞運首金。
(©AFP)
【Now Sports】香港「女飛魚」何詩蓓於杭州亞運女子200米自由泳決賽輕鬆奪金，她賽後表示父母在現場觀戰是意義重大。
雖然奪獎無數，包括在奧運得到銀牌，但何詩蓓表示每個賽事所奪得的獎牌都有不同意義，不能相比。回想2020東京奧運會因為受到新冠疫情關係，何詩蓓家人未能現場觀看她比賽，但今次杭州亞運在疫情已消失後，家人親身到臨場館打氣。她受訪時表示：「我爹地媽咪都有嚟現場睇，可以喺佢哋面前攞到獎牌，真係好開心。」
「好多謝佢哋一直以嚟嘅支持，佢哋都知道嘅，但係佢哋為我都付出咗好多，所以好開心佢哋今日可以嚟睇到。」
今屆賽事目前為止，何詩蓓已經收穫1金2銅，她指出自世界賽後一直不停訓練，而這面金牌對她明日出戰100米自由泳打下一支強心針：「我噚日100米接力個時間都游得幾好，相信明日100自都會游得好。」
