【Now Sports】韓職賽事進入季中階段，球隊公關都諗計如何令入場人數有增無減，保持球場氣氛熱度，其中大田市民最近聯賽鬥全北汽車，就找來韓女團IVE成員安俞真幫家鄉球隊打氣，令到比賽氣氛極好。
如果香港觀眾最近有收睇免費台99台，逢周日晚上的韓國綜藝節目《蹦蹦地球遊戲室》，就應該對安俞真（An Yu Jin）特別有印象。今年只有19歲的俞真，身高有1.72米，且樣子甜美，在女團IVE吸引不少粉絲支持，大田市民當然睇準她的人氣盛極，上周主場聯賽便請這個在大田出生的「女兒」，為球賽炒熱氣氛。
據韓媒指出，當大田市民公佈對全北汽車一戰會請來俞真助威後，1.6萬張門票於比賽一星期前已經售罄，吸引力相當勁；而俞真當日出現賽場，除了挑戰6碼PK戰外，亦送出親筆簽名足球，令到在場真市民球迷，或者因為俞真而購票入場的粉絲，盡慶而返。
當然，被球迷視為「大田女兒」的俞真也有坐上嘉賓席替家鄉球隊打氣，結果市民最後與汽車踢成2:2平手。
撰文：沙維斯達
從足球中搵下快樂與生活費
【蹴吧！日韓】逢隔周三上載
